Neies aus der Partei

Säit 8 vun 8

CSV auf Kurs

Publizéiert den 22.03.2014 an App, Homepage, Neies aus der Partei an Profil. Gespaart

Für die CSV waren die ersten Monate des Jahres äußerst arbeitsreich. Auf den Parteikongressen wurde sich intensiv mit der politischen Situation des Landes beschäftigt. Gleichzeitig wurden die Gremien der Partei erneuert.

In der CSV herrscht Aufbruchstimmung und Zukunftsoptimismus, zu denen auch die vielen neuen Gesichter beitragen, die sich seit einem Dreivierteljahr zur CSV bekennen und aktiv mitmachen.

Die CSV ist auf Kurs. Personell hat sie sich neu aufgestellt. In ihrer Arbeitsorganisation sind wichtige Weichen in der Zwischenzeit gestellt. In Arbeitsgruppen wird die CSV ihre Vorstellungen entwickeln, wie, unter veränderten Vorzeichen, die Entwicklung unseres Landes fortgesetzt werden kann. Luxemburg steht vor großen sozialen, wirtschaftlichen und umweltpolitischen Herausforderungen, die mit zum Teil neuen Instrumenten und Methoden angegangen werden müssen.

Nicht nur für die CSV, sondern für das ganze Land von großer Bedeutung ist die Tatsache, dass die Europäische Volkspartei, der Zusammenschluss der europäischen Zentrums- und christdemokratischen Parteien, sich für Jean-Claude Juncker als Spitzenkandidat für den Posten des zukünftigen Kommissionspräsidenten entschieden hat. Die CSV gratuliert für diesen europaweiten Vertrauensbeweis. Jean-Claude Juncker kann auf die Unterstützung seiner CSV zählen.

In Luxemburg hat die CSV die Liste der sechs CSV-Kandidaten am vergangenen Samstag präsentiert. Unsere sechs Kandidaten bringen Erfahrung und Motivation mit, um an einem zukunftsorientierten, wirtschaftlich starken und sozialen Europa mitzuarbeiten. Sie können darauf zählen, dass die CSV, als DIE luxemburgische Europapartei, unsere Kandidaten mit aller Kraft unterstützen wird. Wir freuen uns auf einen Wahlkampf, in dem unsere sechs Kandidaten, die in diesem CSV-Profil vorgestellt werden, mit Argumenten für den Aufbruch in Europa werben.

Im nationalen politischen Alltag sorgt die Regierung indes für das Gegenteil von Aufbruchstimmung. Angetreten, um Fenster weit aufzureißen, ist es nun eher so, dass Blau, Grün und Rot die Rollläden herunterlassen. Obwohl die Legislatur eigentlich erst begonnen hat, ist die Regierungsliste von Pannen, Fettnäpfchen und Fehltritten bereits lang. Das reicht vom Hickhack bei der Standortwahl für das Fußballstadion, über die unausgegorenen Aussagen in puncto Kindergeld, die polemischen Äußerungen der Wohnungsbauministerin an die Adresse der Gemeinden, den Auftritt einer Staatssekretärin bis zur Diskussion über die TVA-Sätze. Hier scheint die Regierung völlig im Blindflug zu sein. Zuerst sollte Klarheit bei der Budgetpräsentation geschaffen werden, dann wurde auf die Rede zur Lage der Nation vertröstet.

Dabei aber brauchen besonders Handwerk und Handel Planungssicherheit. Es geht hier um die Wettbewerbsfähigkeit vieler mittelständischer Betriebe, die in grenzüberschreitender Konkurrenz stehen. Es ist völlig unverständlich, dass gerade der Finanzminister als früherer Direktor der Handelskammer, der die Sorgen der Betriebe kennen müsste, hier nicht für Klarheit sorgt.

von Marc Spautz, CSV-Präsident

Bilan vum CSV-Parteipresident Marc Spautz iwwert déi éischt 100 Deeg vun der Regierung

Publizéiert den 13.03.2014 an App, Homepage an Neies aus der Partei. Gespaart

Duerchernee bei der Fro vun de Familljenzoulagen, vum Fussballstadion, vum Pacte Logement, kee Vertrauen an d’Staatsbeamten, vill Ukënnegungen déi gemaach géife ginn, ma näischt Konkretes, wat bis elo geschitt ass … et géif e mierken, datt déi nei Leit an der Regierung nach net richteg ukomm wären, esou de Bilan vum Marc Spautz op RTL Radio iwwert d’Regierungsaarbecht no 100 Deeg. Als Oppositiounspartei géif een drop waarden, datt emol konkret Projete géife presentéiert gi fir sech kënne konstruktiv mat anzebréngen.

De ganzen Interview kënnt Dir hei nolauschteren:

Eng fräi Tribüne vum CSV-Parteipresident Marc Spautz

Publizéiert den 24.02.2014 an App, Homepage an Neies aus der Partei. Gespaart

“Mir sinn elo als Equipe gutt opgestallt fir d’Erausfuerderungen unzegoen”, esou de CSV-President Marc Spautz op RTL-Radio Lëtzebuerg. No der personeller Erneierung an de Bezierker, den Ënnerorganisatiounen an am CSV-Nationalcomité, no de liewegen, internen Diskussioune vun de leschte Wochen, huet d’Partei dat néidegt Fundament opgebaut, fir sech mat de politeschen Inhalter auserneenzesetzen. D’CSV wäert hir Verantwortung an de Gemengen, national an och an Europa wouer huelen. National wäert een eng fair a konstruktiv Oppositiounspolitik maachen. An der Europakampagne wäert d’CSV sech fir e friddlecht, wirtschaftlecht staarkt, e solidarescht a virun allem e soziaalt Europa asetzen.

De CSV-Parteipresident Marc Spautz am RTL-Background

Publizéiert den 17.02.2014 an App, Homepage an Neies aus der Partei. Gespaart
CSV-Nationalkongress 2014_08022014_083

“Eng konstruktiv Oppositiounspolitik”

De ganzen Interview mam CSV-Parteipresident Marc Spautz kënnt Dir hei nolauschteren:

De CSV-Parteipresident Marc Spautz kuerz a kompakt am RTL-Background iwwer:

  • d‘Moderniséierung vun der Partei

De 24. Februar hu mir e Nationalcomité. Do fänke mir un eng Diskussioun doriwwer ze féieren, wéi mir eis Partei kënne moderniséieren. Dat geet a Richtung, wéi kréie mir méi eng grouss Memberbedeelegung. Mir wëssen, datt mir verschidde Saache mussen änneren, mä et muss een alles Step par Step maachen.

Beim Politeschen ass et kloer, datt mir am Nationalcomité och déi Aarbechtsgruppe festhalen, déi sech mat de jeeweilegen Thematike wäerte beschäftegen. Elo muss een en Dialog lancéieren. De gëtt och an de Strukture gefouert, esouwuel an de Regionalstrukturen, wéi an den Ënnerorganisatiounen. Wa mir an der Partei nei Diskussiounen iwwer Positiounen a verschiddenen Domainë féieren, kënne mir elo och zu 100% déi Meenung vertrieden, déi d’CSV wëll. Mir brauchen net méi op e Koalitiounspartner Récksiicht ze huelen. Dat wärt eis och no baussen a verschiddene Punkte sécherlech vill méi e kloert Profil gi wéi virdrun.

  • déi grondsätzlech Ausriichtung vun der Partei

Et kann een sech ëmmer hannerfroen. Et kann een och verschidde Positiounen adaptéieren an Upassunge maachen. Déi Pist, déi 34 Prozent vun de Wieler eis och bestätegt hunn, brauch een awer net radikal ze wiesselen.

D’CSV ass eng chrëschtlech-sozial Partei. Mir baséieren eis op d’chrëschtlech Sozialléier. Dat heescht awer net, datt mir op de riets klerikalen, konservative Bord géife goen. Ob déi sozial Wäerter elo an d’Zukunft nach méi prioritär wäerte ginn, hänkt dovunner of, wat alles bei der Budgetspolitik vun der Regierung erauskënnt. D’CSV ass op alle Fall dogéint, datt e grousse soziale Kalschlag gemaach gëtt.

  • d’Oppositiounsroll vun der CSV

Mir wäerten eng konstruktiv Oppositiounspolitik maachen. Mir wäerten eege Projete lancéieren. Mir wäerten d’Projete vun der Majoritéit am Detail analyséieren an amendéieren. Mir wäerten eis och bei allem zu Wuert melle, wou mir mengen, datt et net gutt leeft. Et wäert een d’Stëmm vun der CSV deemno bei de wichtege Projeten esouwuel am Parlament, wéi och doriwwer eraus héieren.

E Problem ass sécherlech fir eis, datt ufanks vill Projeten, déi vun der Regierung kommen, nach vun der aler Koalitioun ausgeschafft gi sinn. Mir stellen awer elo scho fest, datt bei verschiddenen Ëmsetzungen an Autorisatiounen, wou mir virdru vun den aneren attackéiert gi sinn, datt do elo Saache gemaach an autoriséiert ginn, déi di dräi Parteie virdrun ofgeleent hunn. Ewéi z.B. bei der Goudrongsanlag zu Schëffleng.

  • de Staatsbudget

Mir waarde gespaant op de Budgetsprojet a virun allem op déi 10 Prozent, déi an all de Ministèrë sollen agespuert ginn. Ob dat lo wierklech 10 Prozent laangfristeg Aspuerunge sinn oder just doduerch am Budget esou opgefouert ginn, well verschidden extraordinär Projeten einfach méi spéit realiséiert ginn an just méi laang erausgezu ginn. Domadder hätt een déi Ausgaben zwar am jeeweilegen Exercice gespuert, awer nach keng laangfristeg Spuermoossname gemaach.

Et muss een och nach eng Kéier dorunner erënneren, datt de Finanzminister Luc Frieden 2013, ier de Budgetsdepot gemaach ginn ass, a Grondprinzipie presentéiert huet, ob wat fir enge Voleten alleguer kéint gespuert ginn. De deemolege Fraktiounspresident vun der LSAP, de Lucien Lux, huet hie fir all déi Punkten fierchterlech attackéiert an et gouf deemno vum Koalitiounspartner keng Bereetschaft fir do matzegoen. Bis den Abrëll 2014 waren zwar nach sougenannten Aachtergespréicher – 4 Leit vun där enger a 4 vun där anerer Partei – am Gaangen, fir all Volet eng Kéier eenzel duerchzegoen. Do gouf iwwer vill Punkten diskutéiert, wat e z.B. am Budget vum Travail oder der Famill kinnt änneren. Mä et ass net méi zu enger Eenegung zwëschent den zwou Parteie komm. Dofir si mir elo gespaant, ob d’LSAP nach ëmmer op hire Piste bleift oder ob mir ganz nei Piste wäerte gesinn.

  • eng grouss Steierreform

Fir eis ass et kloer, an dat hunn de Luc Frieden an de Jean-Claude Juncker ëmmer gesot, datt eng grouss Steierreform soll gemaach ginn. Eng Steierreform mécht een awer net vun haut op muer. Do musse vill eenzel Punkt berücksichtegt ginn. Dofir wäerte mir déi Iddien, déi vun der Regierung wäerte kommen, och deementspriechend kommentéieren a kloer soen, wou mir kënnen averstan sinn a wou mir net kënnen averstan sinn. Et muss op alle Fall e gesonde Mix tëschent der Besteierung vun de physesche Persounen an der Besteierung vun de Betriber bestoen. Do muss een och verschidden Abattementen a Fro stellen.

  • d’Erhéijung vun der TVA

2012 huet de Gilles Roth beim Budgetsrapport schonns eng Kéier Rechebeispiller gemaach, fir duerch eng TVA-Erhéijung d‘Ewechfale vum Commerce électronique ze kompenséieren. Do ass d’CSV ugeprangert ginn, mir wéilte blannemännches d’TVA erhéijen. Mir hunn awer ëmmer drop higewisen, datt dat géif geschéien. D’CSV war och déi eenzeg Partei, déi eendäiteg am Wahlprogramm stoen hat, datt d’TVA géif ugepasst ginn. An eiser Optik war et awer net, fir och d’Zwëschesätz ze hiewen, well do d‘Grondproduite fir d’Leit dran sinn, ewéi d’Liewensmëttel, de Bensin oder den Heizungsmasutt. Bei dësem Alldagskonsum muss een oppassen, wat ee mécht.

  • sozial Selektivitéit

Mir hate schonns vill a laang mam ale Koalitiounspartner driwwer diskutéiert fir verschidde Leeschtunge méi sozial selektiv ze gestalten. Mir konnten eis awer net op e Schlëssel eenegen, wou déi Selektivitéit misst ugoen. Dofir si mir besonnesch bei de Familljeleeschtunge gespaant, wat elo vun der neier Regierung op den Dësch wäert kommen. Mir wäerten dann awer och dorunner erënneren, wou verschidde Leit virdrun net wollten an eng Richtung matgoen, déi elo fir se selbstverständlech ze si schéngt.

  • de Chômage

Beim Chômage kann e gewëss Adaptatioune maachen. Et muss een déi Leit awer weider deementspriechend ënnerstëtzen, déi ouni eege Schold an de Chômage gefall sinn. Et däerf een och net all Mënsch, deen am Chômage ass, esou dohinner stellen, datt e näischt wéilt maachen. Et muss ee schonns den Ënnerscheed maachen.

Beim Jugendchômage ass et wichteg, datt mir et fäerdegbréngen, datt d’Leit, iert se eng Qualifikatioun uginn, wëssen, wou de Besoin um Aarbechtsmaart ass. Awer och eng „Garantie Jeunesse“ ass wichteg, fir de Jugendlechen eng Perspektiv ze ginn. Wann de Minister Schmit hei der Meenung ass, d’Versprieche kënnen ze maachen, de jonke Leit bannent e puer Méint eng Aarbechtsplaz oder eng Formatioun ze garantéieren, da wäert hien dat jo mat senge jeeweilege Servicer gekuckt hunn. Wa mir dat net sollte fäerdeg bréngen, da musse mir séier Adaptatioune maachen.

Mir mussen allgemeng hei zu Lëtzebuerg d’Offer un Aarbechtsplaze méi grouss maachen. Dowéinst ass et noutwënneg, datt mir eng gutt Standuertpolitik maachen. Mir wäerten et awer ni fäerdeg bréngen, datt all Mënsch een héijen Diplom wäert hunn. Deemno musse mir och Betriber usidelen, déi Leit mat niddreger Qualifikatioun oder mat iwwerhaapt kenger Qualifikatioun beschäftegen. Et ass wichteg, datt mir déi Leit net fale loossen.

  • d‘Pensiounen

Bei der Pensiounsreform aus der leschter Legislaturperiod waren Iddien an der CSV do fir méi wäit ze goen. D’CSV hat sech awer un de Koalitiounsprogramm gebonnen. Dëst bedeit fir eis elo, datt mir den Dossier nach eng Kéier mussen ugoen. Ma et ass un der Majoritéit, déi bis elo näischt iwwert d’Rente deklaréiert huet, ze soen, ob iwwerhaapt eng Bereetschaft do ass, elo driwwer ze diskutéieren.

  • d’Auslännerwahlrecht bei de Chamberwahlen

Beim Wahlrecht fir d‘Chamberwahlen huet d’CSV kloer am Wahlprogramm gesot, datt et beim Wahlrecht fir d’Lëtzebuerger soll bleiwen. Datt also weiderhin d’Nationalitéit den Zougank zum Wahlrecht gëtt. Ma, datt awer bei der duebeler Nationalitéit verschidde Simplificatioune solle gemaach ginn. Mat dëser Positioun wäerte mir eis och um ëffentlechen Debat bedeelegen.